Impostor na pulis inaresto sa loob ng kampo sa Gensan

ARESTADO ang isang pekeng pulis noong Lunes sa loob ng police headquarters sa General Santos City.

Kinilala ni City police director Col. Nicomedes Olaivar Jr. ang suspek na si “Eddie,” na nakitang nakasuot ng uniporme ng pulis sa parking area ng Camp Fermin Lira Jr. bandang alas-3 ng hapon. Lunes.

Naghinala ang mga tunay na pulis dahil hindi tugma ang uniporme ng suspek sa opisyal na kasuotan para sa araw na iyon.

Nang tanungin ng mga awtoridad , inamin ng lalaki na hindi siya pulis at ibinunyag na binili niya ang uniporme, kumpleto sa mga medalya at mga insignia, mula sa isang online na tindahan.

Agad na dinala si “Eddie” sa kustodiya ng pulisya, na nahaharap sa mga kasong usurpation of authority at ilegal na paggamit ng mga uniporme at insignia sa ilalim ng Revised Penal Code.