Pahinante ng trak, patay sa pamamaril sa Laguna

NASAWI ang 34- anyos na pahinante ng truck makaraang pagbabarilin ng mga hindi nakikilalang sa  kanilang tinitirhan  sa Brgy. Bitin, Bay, Laguna, Miyerkules ng gabi.

Nasawi ang biktima na si Alyas Eugene, mula sa dalawang tama ng bala ng hindi mabatid na kalibre ng baril .

Dead on the spot ang biktima ayon sa ulat ng Bay police kay Laguna Provincial Director P/Col. Ricardo Dalmacia nang salakayin ng mga suspek bandang alas 9:15 ng gabi.

Ayon sa imbestigasyon ng Bay police ,ang biktima ay  kasalukuyang nasa loob ng bahay nang biglang dumating ang suspek at kumatok sa kanilang pintuan ng bahay.

Nang pagbuksan ng pinto ay mabilis pinaputukan ang biktima .

Mabili namang sumakay sa kulay itim na  Everest  mga  armadong suspek patungo sa gawi ng Sto Tomas ,Batangas upang tumakas.

Magsasagawa naman ng masusing imbestigasyon  ang pulisya sa pamamagitan ng CCTV footage upang matukoy ang suspek at malaman ang motibo sa pamamaslang.